Ձեր հղիության 18-րդ շաբաթը

 

Այս հոդվածում՝

• Ախտանիշներ
• Պտղի զարգացումը հղիության 18-րդ շաբաթում
• Հատուկ նկատառումներ
• Խնամքի մասին խորհուրդներ
• Առաջարկվող իրեր
• Խորհուրդներ զուգընկերներին
• Առաջիկա այցեր բժշկին

 

Պտղի աճի և մկանային համակարգի զարգացմանը համընթաց, ավելի հստակ են դառնում նրա շարժումները, և հղիության 18-րդ շաբաթում դրանք սկսում են զգալ նույնիսկ առաջնեկի ծննդին սպասող կանայք: Պտղի շարժումները դեռ այնքան էլ ուժգին չեն, դրանք առայժմ թեթևակի հրումներ կամ աղիների կծկումներ են հիշեցնում, և այդ իսկ պատճառով դեռ վաղ է դրանք հաշվել:

 

Պտղի զարգացումը հղիության 18-րդ շաբաթում

Հղիության 18-րդ շաբաթում պտղի հասակը գլխի գագաթից մինչ կոնքի շրջան՝ 14.7սմ:

Պտղի միջին հասակը հղիության 18-րդ շաբաթում գլխի գագաթից մինչև ստորին վերջույթները կազմում է մոտ 21.2սմ, իսկ քաշը հասնում է՝ 222գ:

 

Քուն

Պտուղը զարգացնում է քնի իր հմտությունները: Ներքին ժամացույցը, որը կարգավորում է քունը և արթնանալը ամբողջ օրվա ընթացքում, պտղի աճի հետ մեկտեղ զարգանում և ավելի կատարելագործվում է:

Նյարդային համակարգ

Սկսում է միելի սինթեզը: Միելինը՝ ճարպի և սպիտակուցների խառնուրդ է, որը մեկուսացնում և պաշտպանում է նյարդային համակարգի բջիջները (նեյրոններ), ներառյալ ուղեղը և ողնուղեղը: Այն նաև օգնում է ազդակների գրգիռներին ավելի արագ հաղորդվել ծայրամասային նյարդային համակարգ:

 

Վերարտադրողական համակարգ

Մինչ պտղի վերարտադրողական համակարգը դեռ գտնվում է զարգացման փուլում, ՈՒՁ-սարքի շնորհիվ կարելի է որոշել պտղի սեռը:

Շարունակում է ձևավորվել պտղիսեռական համակարգը, իգական սեռի դեպքում արգանդը և ֆալոպյան փողերը որովայնի խոռոչում իրենց տեղն են զբաղեցնում, իսկ արական սեռի դեպքում` արտաքին սեռական օրգաններն արդեն բավականին հստակ տեսխնելի են: Ուղեղի կեղևն ակտիվորեն զարգանում է, ձևավորվում են գալարները և ակոսները: Երեխայի էնդոկրին համակարգը սկսում է իր աշխատանքը: Արդեն գործում են մակերիկամը և ուրցագեղձը:

Այս ինտերակտիվ փորձի ընթացքում փորձեք ուսումնասիրել 18-րդ շաբաթվա հանգրվաններից մի քանիսը:

Ախտանիշներ

18 շաբաթականում պտղի շարժումներն սկսում են զգալ նույնիսկ առաջնեկի ծննդին սպասող ապագա մայրիկները: Պտղի շարժումները դեռ այնքան էլ ուժգին չեն, դրանք առայժմ թեթևակի հրումներ և աղիների գալարակծկումներ են հիշեցնում, և այդ իսկ պատճառով դեռ վաղ է դրանք հաշվել, իսկ սրտի ռիթմը կարող է արձանագրվել միայն ՈՒՁ-սարքի միջոցով:

 

• Պտղի շարժ Որոշ ապագա մայրիկներ, հատկապես նրանք, ովքեր նախկինում հղի են եղել, գուցե արդեն սկսել են զգալ պտղի թույլ հրոցներ: Առաջին անգամ ապագա մայրերից շատերը, պտղի առաջին շարժն կամ հարվածները կարող են զգալ հենց այս շաբաթ, բայց եթե 18-րդ շաբաթում դեռևս չեք ունենում նման զգացողություններ, անհանգստանալ պետք չէ, դրանք շուտով նկատելի կդառնան:

 

• Հղի կնոջ որովայն Հղիության ընթացքում որովայնի շրջագծի մեծացումը պայմանավորված երեք գործոններով, ինչպիսիք են՝ արգանդի ընդլայնումը, ամնիոտիկ հեղուկի ավելացումն և պտղի աճը, ավելի ու ավելի են տեսանելի դարձնում ձեր փորիկը: Ապագա մայրիկներից շատերը անհամբեր սպասում են տեսանելի, կլորավուն փորիկի ի հայտ գալուն, մինչդեռ մյուսները փորձում են այն թաքցնել այնքան ժամանակ, որքան կարող են:
• Ավելորդ քաշ Որովայնի ընդարձակման հետ մեկտեղ, ձեր մարմնի ձևը և ծանրության կենտրոնը փոխվում է: Սկսվում է քաշի նկատելի ավելացում, յուրաքանչյուր շաբաթ մինչև՝ 500գ: Ճնշման անկումը հղիության ընթացքում նորմալ երևույթ է: Միշտ պետք է հիշել գլխապտույտի վտանգի մասին և պառկած կամ նստած դիրքից դանդաղ բարձրանալ` խուսափելով կտրուկ շարժումներից:
• Հիպոտոնիա կամ ցածր զարկերակային ճնշում Հղիության ընթացքում կարող է դիտվել արյան ճնշման բնական անկում:Այս չնչին փոփոխությունները սովորաբար վտանգավոր չեն, սակայն նախ պետք է տարբերել ցածր զարկերակային ճնշումը բնականից, որը խիստ անհատական է: Ձեր բնականոն զարկերակային ճնշումը իմանալու համար հարկավոր է չափել այն ֆիզիկապես հանգիստ վիճակում, օրական մի քանի անգան, երբ ոչինչ չի անհանգստացնում: Այնուամենայնիվ, հիպոտոնիան կարող է բերել հոգնածության, գլխապտույտի և թուլության:

 

Խնամքի մասին խորհուրդներ

Գուցե այս շաբաթ ցանկություն ունենաք իմանալ, թե ինչպես պայքարել գլխապտույտի կամ գլխացավի դեմ: Հիանալի ժամանակ է նաև սկսել մարզվել:

Հիպոտոնիա Դուք կարող եք այլ կերպ չզգալ, նույնիսկ եթե արյան ճնշումը մի փոքր ընկնի: Բայց եթե մի փոքր գլխապտույտ կամ գլխացավ եք ունենում, պետք է՝

• Նստած կամ պառկած դիրքից դանդաղ վեր կենալ` խուսափելիվ կտրուկ շարժումներից:
• Խոսափել երկար ժամանակ կանգնած դիրքում մնալուց
• Բավար քանակությամբ ջուր խմել
• Արյան շրջանառության բարելավման համար, կատարեք վարժություններ նախատեսված հղի կանանց համար, հաճախակի զբոսնեք կամ զբաղվեք աերոբիկայով:

 

Մի փոքր ազատություն

Վերջին մի քանի ամիսների ընթացքում դուք ենթարկվել եք ֆիզիկական և էմոցիոնալ փոփոխությունների: Փորձեք մի փոքր դադար տալ, որպեսզի կարողանաք ժամանակ տրամադրեք ինքներդ ձեզ: Կարող եք մի քանի ժամ կամ մեկ օր անցկացնել ձեր ընկերների կամ ձեր զուգընկերոջ հետ սպա-սրահում կամ քաղաքըց դուրս որևէ տեղ: Նախածննդյան մերսումը ինչպես նաև վարսահարդարումը, մատնահարդարումը և պեդիկյուրը կարող են հրաշալի պատճառ լինել հանգստի համար:

Պարզապես տեղեկացրեք սպա-սրահում, որ հղի եք: Նման պրոցեդուրաներից շատերը, ինչպիսիք են մատնահարդարումը և մազերի ներկումը, երկրորդ եռամսյակն անցնելուց հետո անվտանգ են, բայց քիմիական նյութերի օգտագործման սահմանափակումն ու լավ օդափոխվող տարածքում մնալը միշտ էլ ամենաապահովն են: Եթե ​​բուժման վերաբերյալ հարցեր ունեք, կարող եք դիմել ձեր բժշկին:

Հատուկ նկատառումներ

• Խոսեք ձեր բժշկի հետ ցանկացած նոր ախտանշանի մասին, այդ թվում ՝ հիպոտոնիա, գլխապտույտ, գլխացավ:
• Սկսեք կամ շարունակեք նախածննդյան մարմնամարզությունները:
• Ձեր զուգընկերոջ հետ ազատ խոսեք ինտիմ հարաբերությունների մասին:
• Պլանավորեք հաճելի մի բան ձեր ընկերների կամ զուգընկերոջ հետ:

Խորհուրդներ զուգընկերներին

Նախքան երեխայի ծնվելը, շատ բան կա անելու, ներառյալ մանկաբույժի ընտրությունը ինչպես նաև պլանավորում խնամքի համար առաջին անհրաժեշտության պարագաների ձեռք բերում: Մանկաբույժի ընտրության հարցում, կարող եք խորհրդակցել ձեր ընտանիքի ադամների, ընկերների, այլ ծնողների կամ նույնիսկ ձեր բժշկի հետ:

Մանկաբույժին ընտրելիս պետք է հաշվի առնել շատ հանգամանքներ: Նախնական հանդիպումը մանկաբույժի հետ, թույլ է տալիս ստանալ ամբողջական տեղեկություն ընտանիքի մասին, ներառյալ բժշկական պատմությունները, հոգեկան առողջությունը, ապրելակերպը եւ ցանկացած ռիսկային շեղումներ:

Նախնական այցը հիմք է հանդիսանում մանկաբույժի եւ ձեր ընտանիքի միջեւ երկարատեւ հարաբերությունների ամրապնդման:

Այդ հանդիպումները նաև կօգնեն ձեզ պարզաբանել որոշ հարցեր ինչպիսիք են՝

• Կրծքով կերակրում
• Թլպատում
• Պատվաստանյութեր
• Հակաբիոտիկների և մրսածության դեմ դեղամիջոցների կիրառումը
• Ձեզ համար կարևոր ցանկացած այլ խնդիր

Հերթական զննումներ

 

• Դուք կարող եք կատարել անատոմիական զննում կամ 2-րդ մակարդակի ուլտրաձայնային հետազոտությունը՝ 18- 22-րդ շաբաթների ընթացքում:

• Ամնիոցենտեզ՝ որը իրականացվում է 15-20-րդ շաբաթների ընթացքում:

 

• Ձեր հաջորդ նախածննդյան այցը, հավանաբար, տեղի կունենա 20-րդ շաբաթում:

Երկրորդ եռամյակի ՈՒՁՀ (ուլտրաձայնային հետազոտություն)

ՈՒՁ-հետազոտությունն ունի մի քանի տարբեր անուններ, ինչպիսիք են՝

• Կառուցվածքային ուլտրաձայնային հետազոտություն
• Պտղի անատոմիական հետազոտություն
• II մակարդակի (մակարդակ 2) ուլտրաձայնային հետազոտություն
• Երկրորդ եռամսյակի ուլտրաձայնային հետազոտություն

Նման հետազոտությունը բժշկին տեղեկություն է տրամադրում պտղի և ձեր հղիության ընթացքի մասին, ներառյալ պտղի մարմնի բոլոր մասերի մանրակրկիտ զննումը

• Գլուխ
• Դեմք
• Պարանոց
• Ուղեղ
• Կրծքավանդակը
• Սիրտ
• Որովայն
• Երիկամներ
• Միզապարկ
• Ողնաշարը
• Վերին ու ստորին վերջույթներ
• Վերարտադրողական օրգաններ

Ձեր ցանկությամբ բժիշկը կարող է ասել երեխայի սեռը, քանի որ այս շրջանում նրա սեռական օրգանները արդեն տեսանելի են և սխալվելու հավանականություն գրեթե չկա: Ուշագրավ է նաև պտղի կենսամիջավայրը, որը նրա զարգացման համար բարվոք պայմաններ է ստեղծում` ամնիոտիկ հեղուկի փոփոխությունը, պորտալարի երկարությունը, ընկերքի դիրքը:

ֆետալ (պտղի) ուլտրաձայնային հետազոտության

Էխոկարդիոգրաման սրտի ուլտրաձայնային պատկերն է: Բժիշկները օգտագործում են էխոկարդիոգրաման ախտորոշելով պտղի՝ սրտի հետ կապված խնդիրներ:

Ձեր բժիշկը կարող է խորհուրդ տալ կատարել նման հետազոտություն, եթե՝

• Դուք արդեն ունեցել եք երեխա, որը ծնվել է սրտի բնածին արատով:
• Դուք կամ ձեր զուգընկերը, ինչպես նաև ազգականներից որևիցե մեկը ունի բնածին սրտի հիվանդություն:
• Նախնական ուլտրաձայնային հետազոտության արդյունքում հայտնաբերվել է սրտի հնարավոր խնդիր:
• Պտղի զարկերը չափազանց արագ կամ դանդաղ են:
• Գենետիկական հետազոտության արդյունքում պարզ է դարձել սրտի արատի բարձր ռիսկի մասին:
• Դեղորայք, որը կարող է սրտի հետ կապված խնդիրներ առաջացնել:
• Վիրուսային կամ ինֆեկցիոն հիվանդություններ:
• Շաքարախտ

 

Պերինատալ ախտորոշում

• Արյան հետազոտություն ալֆա-ֆետոպրոտեինի նկատմամբ (ԱՖՊ)
• Խորիոնի բիոպսիա
• Ամնիոցենտեզ
• Կորդոցենտեզ (պորտալարի բիոպսիա)
• Մոլեկուլային-բջջաժառանգական ախտորոշում

 

Կորդոցենտեզ

Ինվազիվ միջամտություն է, որը իրականացվում է հղիության երկրորդ եռամսյակում: Կատարվում է պորտալարի արյունատար անոթների պունկցիա (ասեղնածակում) լաբորատոր հետազոտությունների համար արյուն վերցնելու կամ պտղին՝ արյան լուծույթներ կամ դեղամիջոցներ ներարկելու նպատակով:

 

1) Ըստ պորտալարին հասնելու ձևի դասակարգում ենք՝

• պունկցիա աադապտերի օգնությամբ
• «ազատ ձեռքի» մեթոդ

2) Ըստ կատարման տեխնիկայի՝ մեկ կամ երկու ասեղով

 

Ցուցումներ

• Բնածին և ձեռքբերովի արատների պրենատալ ախտորոշում:
• Պտղի ունեցած հիվանդության ախտորոշում և ծանրության աստիճանի գնահատում:
• Պտղի ֆունկցիոնալ վիճակի գնահատում (արյան բիոքիմիական ցուցանիշներ, հորմոններ):
• Ֆետոթերապիա (արյան լուծույթների կամ դեղամիջոցների ներարկում):

 

Հակացուցումներ

• Բորբոքային սուր պրոցես կամ քրոնիկական բորբոքման սրացում
• Վիժման վտանգ

 

Փոքրիկի մասին

Դուք սկսում եք զգալ նրա շարժումները: Առաջին շարժումները դժվար է տարբերել, քանի որ դրանք հիշեցնում են աղիների գալարակծկանքների ձայներ: Պտուղը բավականին ակտիվ է և նույնիսկ կարող է պատասխանել արտաքին ձայներին, թեթևակի հրումներով: